Er sannleikurinn rasismi.....

Stangaveiðifélag Reykjavíkur hefur sett saman bréf sem sjá má á http://www.svfr.is/Uploads/FileGallery/PDF%20skrar/scan0004.pdf

Sett upp á 3 tungumálum.

Það er klárt að það fer enginn að bendla einhvern sérstakan hóp við veiðiþjófnað nema fyrir því séu afskaplega sterk rök.  Þau rök eru til staðar.  Þannig hafa erlendir ríkisborgarar verið teknir við veiðiþjófnað m.a. í Elliðaám, Leirvogsá, Laxá í Kjós og Soginu og allir hafa þeir verið af einu og sama þjóðerninu.  Því miður.

Að auki er vanþekking á lögum engin afsökun fyrir því að brjóta þau en samt hefur verið reynt að sýna skilning.  Þetta er bara orðið of stórt vandamál.

Sé ekki annann möguleika á því að koma skilaboðum fram nema með því að gefa upplýsingar um það hvernig málum er háttað.  Því miður eru alltaf einhverjir svartir sauðir í öllum hópum og spurning hvort að þetta sé eitthvað sport í þessum hóp.

Ég sá stangir sem gerðar voru upptækar í einni á.  Þá var enginn lax í ánni og aðeins litlir silungar.  Veiðitækin voru að verðmæti 10-20 þúsund krónur.  Sé illa hver hagnaður geti verið þar sem fyrir þann pening fá þeir mikið af laxi til þess að borða.   

Illséð að menn séu að reyna að veiða sér til matar og telja sig í rétti þegar þeir annað hvort hlaupa í burtu er komið er að þeim eða afhenda veiðafærin þegjandi og hljóðalaust.  Það bendir ekki til þess að þeir séu þarni í góðri trú um að það sé allt í lagi.

Bréf um veiðiréttindi birt á pólsku

Rosalega flott.....

Það var stórkostlegt að ná að setja í tæplega 10 punda fisk á Berghylsbroti er klukkan var rúmlega 5 í dag.  Með góðri leiðsögn Halla Eiríks fékk ég 3 tökur áður en glæsileg hrygna réðst á þunga Kröflu.  Við tók skemmtileg barátta sem endaði í næsta veiðistað fyrir neðan, Réttarhyl og þar var laxinum landað við mjög svo erfiðar aðstæður.  Það náðist þó án þess að skaða fiskinn og fékk hann frelsi.

Halli myndaði allt í bak og fyrir af berginum á hinum bakkanum og má sjá það á svfr.is

Nú getur maður gleymt því að hafa brotið stöng í morgunn og túrnum bjargað, ef ekki sumrinu....

Bara gaman....

Það var bara gaman að vera við Norðurá í morgunn.  Fyrrverandi formaður SVFR, Bjarni Ómar var búinn að spá því að fyrsti laxinn mundi taka kl. 7:07.  Nálægt var það því sá fyrsti tók kl níu mínútur yfir 7.  Glæsileg 9 punda fiskur og gleðin einlæg er hún synti aftur út í ánna eftir löndun.

Frekar leiðinlegt veður angraði menn en skyggði ekki á ánægjuna af því að vera við ánna.  Er Þorsteinn Ólafs og Loftur Atli höfðu einni landað fiskum var eiginlega ekki hægt að fara fram á meira.

Ég náði nú ekki að festa í fiski, en fann fyrir einum.  Mitt afrek fólst í því að brjóta stöng áður en veiði hófst og leika það ekki allir eftir.  Svo er bara að sjá hvort að ekki verði áframhald á veiði og þá verður sko gaman, gaman og gaman.

Þrír laxar úr Norðurá í morgun og einn úr Blöndu

Laxinn kominn....

Ekki get ég sagt að menn hafi verið bjartsýnir fyrir viku.  Kuldar og þurrkur sem orsökuðu mjög lítið og kalt vatn í ánum.  Sem betur fer breyttist það og með hlýindum og smá rigningu kom nokkur vöxtur í árnar.  Rennsli í Norðurá var eins og í ágúst í þurrkatíð þar til á miðvikudag er aðeins fór að bæta í.  Áhugavert er að skoða heimasíðu Orkustofnunar og fara inn á vatnamælingasíðuna og fylgjast með breytingum í rennsli.  Þannig var rennsli í Norðurá aðeins um 7-8 rúmmetrar í byrjun síðustu viku.  Við hlýindin jókst fljótt í ánni og náði rennslið hámarki að kvöldi föstudagsins eða 45 rúmmetrar og flott vatn í ánni.

Það gefur vonir um að Brotið, veiðistaðurinn sem Bjarni byrjar á, verði inni.  Ég ásamt fleirum fór í göngutúr á laugardaginn og skoðuðum við nokkra veiðistaði.  Ekki sáum við fisk en erum engu að síður nokkur bjartsýnir í ljósi þess að stórstreymt var á laugardag.  Stórstreymið ásamt góðu vatni gefa fyrirheit um að laxinn sé mættur og verði til staðar á þriðjudagsmorgunn er Bjarni Júlíusson tekur fyrstu köstin.

Bjarni er bjartsýnismaður og spáir 20 laxa veiði.  Ekki er ég nú alveg svo bjartsýnn en vona að aðstæður verði betri en undanfarin 3 ár er veiði hefur verið lítil í opnun.  Það góða er þó það að þrátt fyrir dræma veiði í opnun undanfarin ár, þá hefur Norðurá ekki brugðist og skilað afbragðsveiði.  Ætla ég að spá því að svo verði áfram.

Það vita náttúrulega allir að veiðimenn eru að upplagi bjartsýnismenn og það mun ekki breytast, sama á hverju gengur.  Ég verð því brosandi á bakkanum í fyrramálið og vona að formaðurinn næli í lax.

Formaður SVFR spáir 20 laxa opnun í Norðurá

Bjagað fegurðarskyn...

Að hafa mjúkan flottan maga

Meyjum þótti vera til baga

En þó hann standi út

Það getur verið „kjút“

Og þarf sko ekkert að laga

Stúlkur stálu upplagi blaðsins vegna óánægju með forsíðumyndina

Hvað er málið ????

Ég trúi öllu sem birtist á mbl.is og því skil ég ekki hvað er verið að æsa sig yfir.  Í fréttinni segir: "Blíðuhót forsetans hafa samt vakið athygli í Íran en samkvæmt svonefndum sharia-lögum mega maður og kona, sem ekki eru tengd, snerta hvort annað á almannafæri."

Þarna stendur að skv sharia-lögum mega maður og kona snerta hvort annað á almannafæri. Hvað er þá vandamálið sem orsakar fullt af bloggum og vandlætingu.

 

Íransforseti sakaður um ósiðsemi á almannafæri

Þarf Chelsea að kaupa meir...

Enn hugsa ég til þess er maðurinn sagði að Liverpool væri ekki stór klúbbur, en Chelsea væri það. 

 

Ljúfur sigur, liðið mitt

lagður var sá stóri

illa ávaxta pundið sitt

Abramo og Móri

Gerrard: Ótrúlegt að hafa endurtekið leikinn

Opnun tvö...

Það má segja að opninir i veiði séu nokkrar.  Þannig byrjar sjóbirtingsveiði og veiði í mörgum vötnum þann 1. apríl.  Síðan er það Elliðavatn, Þingvallavatn og urriðaveiði í Elliðaám þann 1. maí.

Óhætt að segja að þessar byrjanir lofa góðu.  Sjóbirtingsveiði byrjaði mjög vel á flestum svæðum og hefur haldist nokkuð góð.  Vatnaveiðin hófst einnig með miklum hvell og ekki síst vegna góðra hlýinda undanfarið.

Þá er bara stóra spurningin hvernig verður er laxveiðiárnar opna.  Eins og áður er mikill spenningur fyrir sumarið og fer hann aðeins vaxandi.  Nú eru helstu áhyggjurnar þær að allur snór verði farinn úr fjöllum er laxveiðitímabilið hefst og verði að treysta á vætusamt sumar mörgum til armæðu en veiðimönnum til gleði.

Spennan fer að magnast hjá mér.

17 urriðar veiddust á fyrstu vakt í Elliðaám

Dómarapressa eða....

Nú verður dómarinn að passa sig á því að spjalda ekki Drogba því þá eyðileggur hann leikinn skv. stjóranum.

Gaular hátt í grenjukór

Gulu spjöldin hræða 

En lið sem eru ekki stór

Ávalt hjörtun bræða

 

Mourinho hefur áhyggjur af gulum spjöldum

Þetta var algjör óþarfi.

Það er nú til siðs að óska mönnum til hamingju með nýtt starf, svo til hamingju Pétur.  En var þetta ekki algjör óþarfi.  Ég hefði mikið frekar vilja hafa þig áfram á gamla staðnum. Vona þó að þetta verði ekki bara vesen. 

 

 

Pétur tekur við starfi hjá 365